◎｜語音式後記｜第二場 (20160109)｜
附【雙語對照】；原文重新彙整至此專頁。
https://youtu.be/22JJRGZqo7g
《失控的臺語課》有家己的專板矣。若欲知影新的消息，咱會當徙去這爿看：【《失控的臺語課》有自己的專板了。若想知道新的消息，您可以移往這邊看】
https://www.facebook.com/taigikho/
1/9 (拜六)《失控的臺語課》，攏無咧教臺語！毋過這改歐洲人來矣，藝人嘛來矣，教授也來矣，泉腔臺灣話的桌長還仔來和逐家開講矣。【1/9 (週六)《失控的臺語課》，都沒在教臺語！但這次歐洲人來了，藝人也來了，教授也來了，泉腔臺灣話的桌長也來和大家聊天了】
活動的級聲，又閣躘一坎矣！【活動的層級，又更上一層了】
佳哉昨昏下晡好天好勢，18～19° 閣出大日，略仔燒烙、閣袂傷熇。臺北的寒天欲揣遮爾焦鬆閣兼清彩的日子，正經無地揣矣，誠實天公伯仔有咧共咱觀顧。【幸好昨天下午風日晴和，18～19° 加上出大太陽，有點暖和、不至於熱。臺北的冬天想找這般乾爽又宜人的日子，真的找不到了，果真老天爺有在眷顧我們】
本底猶閣咧煩惱活動𤯌(khâm)大學的期末考相碰，𠱴(tsua̋nn)無人欲來，結局是加操煩的！總仔佮共仔，較臨 30 个人。【本來還在煩惱活動與大學的期末考撞期，導致沒人想來，結果是白擔心一場！全部總共，接近 30 個人】
論真，盡靠攏靠咱扞場的各位桌長：碩原、惠純、Tāi-kun、阿亭仔，猶閣有工作坊的召集人秉瑜，攝影師 Lingo，逐家攏共𪜶(in)上專業的智識挈出來分享。【其實還是全靠我們掌控全場的各位桌長：碩原、惠純、Tāi-kun、阿亭仔，還有工作坊的召集人秉瑜，攝影師 Lingo，大家都把最專業的知識拿出來分享】
啊若…活動拄開始彼陣仔，臨時臨曜捎無轉接頭，阮佇遐生咋咋、狂煏煏，強欲變無撚，害逐家無投影片好通看，實在足失禮。假使後改閣再按呢，做恁共我𢼌𢼌(pa)𨂾𨂾(làm)搧搧蹔蹔，踢落去大坑崁都無要緊。這改多謝逐家諒情、多謝逐家鬥相伨。感謝！勞力！【至於…活動一開始的時候，一時之間找不到轉接頭，我們在那倉皇失措、慌亂之際，就要沒輒了，害大家沒投影片可看，實在很抱歉。假使以後再發生這種事，任憑你們扁我、踹我、轟我、踩我，踢下去深谷都沒關係。這次多謝大家諒解、多謝大家支持。感謝！謝謝】
Search